१७ मंसिर, हुम्ला । हुम्लाको सर्केगाड गाउँपालिका उपाध्यक्षका लागि भएको उपनिर्वाचनको मतगणना अहिले जारी छ ।
पछिल्लो मतगणना अनुसार नेकपा एमालेले अग्रता लिएको छ । निर्वाचन आयोगका अनुसार नेकपा एमालेकी जाना शाहीले २८६ मत प्राप्त गर्दा नेकपा माओवादी केन्द्रकी देवकी तिमल्सिनाले २२५ मत प्राप्त गरेकी छन् ।
नेपाली कांग्रेसकी सविता बुढाले २०९ मत प्राप्त गरी तेस्रो स्थानमा छन् । राष्ट्रिय प्रजातन्त्र पार्टी (राप्रपा) की संगीता शाहीले १९ मत प्राप्त गरेकी छन् ।
सर्केगाडका उपाध्यक्ष चन्द्रसिंह कार्कीको सुर्खेतबाट नेपालगञ्ज जानेक्रममा दुर्घटनामा परी निधन भएपछि यहाँ उपनिर्वाचन भएको हो । उनी माओवादी केन्द्रबाट निर्वाचित भएका थिए ।
Live Live Updates:
गोरखा नगरपालिका-५ मा मतगणना सुरु
गोरखा नगरपालिका–५ मा वडाध्यक्षका लागि आइतबार भएको उपनिर्वाचनको मतगणना सुरु भएको छ ।
तिलागुफा नगरपालिका ४ को वडाध्यक्षमा नेमकिपा विजयी
कालिकोटको तिलागुफा नगरपालिका ४ को वडाध्यक्ष पदमा नेपाल मजदुर किसान पार्टी नेमकिपाका खड्गराज शाही विजयी भएका छन् ।
२०७९ को निर्वाचनमा यो वडामा माओवादी केन्द्रले जितेको थियो भने नेमकिपा निकटतम प्रतिद्वन्द्वी थियो ।
सप्तरीको डाक्नेश्वरीमा साढे ८ बजेबाट मतगणना
सप्तरीको डाक्नेश्वरी नगरपालिकामा अहिले साढे ८ बजेबाट मतगणना सुरु हुने भएको छ । डाक्नेश्वरी नगरपालिका कार्यालयको हलमा राति साढे ८ बजेबाट मतगणना सुरु हुने सर्वदलिय बैठकमा निर्णय भएको मुख्य निर्वाचन अधिकृत दिपक कुमार दहालले जानकारी दिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Luxurious House on sale at Ochu Height, Imadol")
.jpg "Apartment for rent in Grande Tower")
.jpg "House for sale at Tikathali")
प्रतिक्रिया 4