भोलिदेखि आधा सिलिन्डर ग्यास बिक्री गरिने

News Summary

Generated by OK AI. Editorially reviewed.

नेपाल आयल निगमले अन्तर्राष्ट्रिय युद्धका कारण ग्यास आपूर्तिमा समस्या आएपछि भोलि शुक्रबारदेखि आधा सिलिन्डर ग्यास मात्र बजारमा पठाउने निर्णय गरेको छ।
कार्यकारी निर्देशक डा. चण्डिकाप्रसाद भट्टका अनुसार उपभोक्ताले ७.१ केजी तौल भएको आधा सिलिन्डर ग्यास किन्न पाउनेछन् र यसको मूल्य पनि आधा तोकिएको छ।
निगमले आधा सिलिन्डर वितरण गर्दा ग्यास थुपार्ने प्रवृत्ति घट्ने र धेरै उपभोक्ताले ग्यास पाउने दाबी गरेको छ।

२८ फागुन, काठमाडौं । नेपाल आयल निगमले भोलि शुक्रबारदेखि बजारमा आधा सिलिन्डर मात्रै ग्यास पठाउने निर्णय गरेको छ ।

निगमका कार्यकारी निर्देशक डा. चण्डिकाप्रसाद भट्टका अनुसार अब उपभोक्ताले ७.१ केजी तौल भएको आधा सिलिन्डर ग्यास किन्न पाउनेछन् । आधा सिलिन्डर ग्यासको मूल्य पनि साविकको भन्दा आधा नै तोकिएको छ ।

अन्तर्राष्ट्रियस्तरमा भइरहेको युद्धका कारण बजारमा ग्यास माग बढेको र आपूर्तिमा केही समस्या देखिएकाले त्यसलाई सामान्य बनाउन निगमले यस्तो कदम चालेको उनले बताए ।

भट्टले आधा सिलिन्डर ग्यास बाँड्दा धेरैभन्दा धेरै उपभोक्ताको पहुँचमा ग्यास पुग्ने दाबी गरे । उनका अनुसार पहिले १ हजार जनाले ग्यास पाउने ठाउँमा अब २ हजार जनाले ग्यास पाउनेछन् ।

यसका साथै आधा सिलिन्डर मात्रै वितरण गर्दा अनावश्यक रूपमा ग्यास थुपारेर राख्ने (स्टक गर्ने) प्रवृत्ति पनि घट्ने निगमको दाबी छ ।

‘आधा सिलिन्डर कसैले पनि स्टक गरेर राख्दैन, जसलाई साँच्चिकै समस्या परेको छ उसले मात्रै किन्छ,’ कार्यकारी निर्देशक भट्टले अनलाइनखबरसँग भने ।

यो निर्णयले बजारमा देखिएको ग्यास अभाव हट्ने र उपभोक्ताले सजिलै ग्यास पाउने निगमको दाबी छ ।