बीमा प्राधिकरणको अध्यक्ष नियुक्तिका लागि सिफारिस समिति गठन

News Summary

Generated by OK AI. Editorially reviewed.

सरकारले रिक्त रहेको बीमा प्राधिकरणको अध्यक्ष नियुक्ति प्रक्रिया अघि बढाएको छ।
सर्वोच्च अदालतले पूर्व अध्यक्ष शरद ओझालाई अयोग्य ठहर गरेपछि सिफारिस समिति गठन गरिएको हो।
सिफारिस समितिले तीन जनाको नाम सरकारलाई सिफारिस गर्नेछ र सरकारले एकलाई चार वर्षका लागि नियुक्त गर्नेछ।

११ वैशाख, काठमाडौं । सरकारले रिक्त रहेको बीमा प्राधिकरणको अध्यक्ष नियुक्ति प्रक्रिया अघि बढाएको छ । समितिका पूर्व अध्यक्ष शरद ओझालाई सर्वोच्च अदालतले अयोग्य ठहर गरेपछि नयाँ नियुक्तिका लागि सरकारले सिफारिस समिति गठन गरेको हो ।

यही वैशाख ८ गतेको मन्त्रिपरिषद् बैठकले योजना आयोगका उपाध्यक्ष डा. गुणाकर भट्टको संयोजकत्वमा सिफारिस समिति गठन गर्ने निर्णय गरेको हो । सिफारिस समितिको सदस्यमा अर्थसचिव डा. घनश्याम उपाध्याय रहेका छन् भने विज्ञ सदस्यको रुपमा डा. फत्तबहादुर केसी रहेका छन् । केसी बीमा प्राधिकरणका पूर्वअध्यक्ष समेत हुन् ।

प्राधिकरणका अध्यक्ष शरद ओझालाई अदालतले नै अयोग्य ठहर गरेपछि अर्थमन्त्रालयबाट प्रतिनिधित्व गर्ने सहसचिवले हाल नेतृत्व सम्हाल्दै आएको अवस्था छ ।

सिफारिस समितिले आवश्यक प्रकृया पूरा गरी सरकारलाई तीन जनाको नाम सिफारिस गर्नेछ । सरकारले तीनै मध्यबाट एकलाई समितिको कार्यकारी अध्यक्षमा ४ वर्षका लागि नियुक्त गर्नेछ ।