News Summary
Generated by OK AI. Editorially reviewed.- सिंहदरबार गेटबाट पक्राउ परेका किस्पाङ गाउँपालिका अध्यक्ष वीरबल तामाङविरुद्ध १० वटा बैंकिङ कसुरका मुद्दा रहेको प्रहरीले जनाएको छ।
- जिल्ला प्रहरी परिसर काठमाडौंले तामाङविरुद्ध ३ करोड ४ लाख र १ करोड ३ लाख ३० हजारका बैंकिङ कसुरका मुद्दा सरकारी वकिल कार्यालयमा पेश गरिसकेको छ।
- भक्तपुर, जनसेवा, दरबारमार्ग, लैनचौर र महाराजगञ्जमा समेत तामाङविरुद्ध विभिन्न रकमका बैंकिङ कसुरका मुद्दा दर्ता रहेको प्रहरीले बताएको छ।
३० भदौ, काठमाडौं । नुवाकोटको किस्पाङ गाउँपालिका अध्यक्ष वीरबल तामाङविरुद्ध १० वटा बैंकिङ कसुरको मुद्दा रहेको पाइएको छ ।
सोमबार प्रधानमन्त्री बालेन शाहसँग छलफल गरेर बाहिरिने क्रममा सिंहदरबार गेटबाट पक्राउ परेका तामाङविरुद्ध विभिन्न ठाउँमा १० वटा बैंकिङ कसुरको मुद्दा रहेको पाइएको हो ।
उनीविरुद्ध जिल्ला प्रहरी परिसरले अनुसन्धान सकेर ३ करोड ४ लाखको बैंकिङ कसुरको मुद्दा सरकारी वकिल कार्यालयमा पेश गरिसकेको छ ।
परिसर काठमाडौंले नै १ करोड ३ लाख ३० हजारको अर्को मुद्दा पनि सरकारी वकिल कार्यालयमा पठाइसकेको छ ।
४८ लाखको एउटा र ९५ लाखको अर्को गरी दुई वटा बैंकिङ कुसुर मुद्दाको पनि मिसिल पेश भइसकेको छ ।
२ करोड ५६ लाखको ठगी कसुरको मुद्दा पनि परिसर काठमाडौंबाट सरकारी वकिल कार्यालयमा गइसकेको काठमाडौं परिसरका एसपी दानबहादुर थापाले बताए ।
त्यस्तै परिसर भक्तपुरमा २ लाखको, प्रहरी र्वत्त जनसेवामा ७५ लाखको, प्रहरी वृत्त दरबारमार्गमा ५ लाख २५ हजारको, वृत्त लैनचौरमा १९ लाख ८० हजारको र वृत्त महराजगञ्जमा पनि बैंकिङ कसुरको मुद्दा दर्ता रहेको प्रहरीले बताएको छ ।
प्रधानमन्त्री शाहले बाढी प्रभावित क्षेत्रका जनप्रतिनिधिहरूसँग छलफल गरेका थिए । तामाङ सोही छलफलमा सहभागी हुन सिंहदरबार पुगेका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4