News Summary
Generated by OK AI. Editorially reviewed.- ओपनएआईले स्मार्टफोन क्यामेरा प्रविधि बनाउने स्टार्टअप ग्लास इमेजिङलाई ३० करोड डलरभन्दा बढीमा किनेको छ।
- ग्लास इमेजिङ २०१९ मा लस अल्टोसमा स्थापना भएको थियो, र यसका संस्थापक जिव अटार र टम बिशप पूर्व एप्पल इन्जिनियर हुन्।
- यो खरिद ओपनएआईले स्मार्टफोन, इयरबड्स र एआई कम्प्यानियन डिभाइसजस्ता हार्डवेयर उत्पादनमा काम तीव्र पारेको बेला भएको हो।
३० भदौ, काठमाडौं। ओपनएआईले स्मार्टफोन क्यामेरा प्रविधि बनाउने स्टार्टअप ग्लास इमेजिङलाई ३० करोड डलरभन्दा बढीमा किनेको छ।
यसले च्याटजीपीटी बनाउने कम्पनीलाई उपभोक्ताका लागि हार्डवेयर बनाउने योजना अघि बढाउन पूर्व एप्पल इन्जिनियरहरूको क्यामेरा प्रविधिमा पहुँच दिएको छ।
ग्लास इमेजिङ २०१९ मा स्थापना भएको थियो र यो क्यालिफोर्नियाको लस अल्टोसमा छ।
यसका संस्थापक जिव अटार र टम बिशप दुवै पूर्व एप्पल इन्जिनियर हुन्, जसले आइफोनको पोर्ट्रेट मोड बनाउने टोलीको नेतृत्व गरेका थिए।
त्यही अनुभवका आधारमा ग्लास इमेजिङले स्मार्टफोन क्यामेराका भौतिक सीमालाई कृत्रिम बुद्धिमत्ता (एआई) प्रयोग गरेर जित्ने प्रविधि बनाएको छ।
कम्पनीले खिचिएपछि फोटो सुधार गर्ने परम्परागत एआई उपकरणभन्दा फरक दृष्टिकोण अपनाएको छ। यसले न्युरल नेटवर्क प्रयोग गरेर विशिष्ट क्यामेरा प्रणाली (विभिन्न स्मार्टफोन मोडलका क्यामेरा) को विशेषता सिकेर गुणस्तर सुधार्छ।
यसरी लेन्स/सेन्सरका त्रुटि, कम उज्यालोमा आउने क्वालीटी र डिटेल नदेखिने समस्यालाई सुधार गर्ने उद्धेश्य राखिएको छ।
यो खरिद ओपनएआईले हार्डवेयरमा आफ्ना योजनाहरू तीव्र पारिरहेको बेला आएको हो। कम्पनीले स्मार्टफोन, इयरबड्स र एआई कम्प्यानियन डिभाइसजस्ता उत्पादनहरूमा काम गरिरहेको बताइएको छ।
यसअघि २०२५ मा ओपनएआईले पूर्व एप्पल डिजाइन प्रमुख जोनी आइभको कम्पनी खरिद गरेको थियो, जसको मूल्य ६ अर्ब ५० करोड डलर बताइएको थियो।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4