News Summary
Generated by OK AI. Editorially reviewed.- अविरल वर्षाका कारण ललितपुर महानगरपालिका-२४ धापाखेलमा सोबितकुमार थापाको ट्रस्टले बनेको किचन करिब २० मिटर तल खसेको छ।
- किचन खसेपछि थापाको साढे दुई तले पक्की घर पहिरोको जोखिममा परेपछि परिवार आइतबार आफन्तको घरमा सरेको छ।
- सोमबार बिहान ६:३५ बजे भिरालो जमिन भासिएर थापाको साढे दुई तले घर ढलेको छ, तर मानवीय क्षति भएको छैन।
१२ असोज, काठमाडौं । आइतबार दिउँसो करिब १:४० बजेको समयमा ललितपुरको ललितपुर महानगरपालिका-२४ धापाखेलमा सोबितकुमार थापाको साढे दुई तले पक्की घरसँगैको ट्रस्टले बनेको किचन करिब २० मिटर तल खस्यो ।
अविरल वर्षाका कारण भिरालो सतहमा बनेको उनको ट्रस्टले बनेको किचन २० मिटर तल खसेपछि उनको घर पनि पहिरोको जोखिममा पर्न गयो ।
थापाको साढे दुई तलेको पक्की घर पहिरोको जोखिममा परेपछि प्रहरीले उनको परिवारलाई सुरक्षित ठाउँमा बस्न सल्लाह दियो ।
प्रहरीको सुझाव अनुसार सोबितकुमारको तीन जनाको परिवार आइतबार नै आफन्तको घरमा गएर बसे ।
सोमबार बिहान करिब ६:३५ बजे थापाको साढे दुई तले घर भिरालो जमिन भासिएर एकाएक ढल्न पुग्यो ।
ललितपुर प्रहरीका प्रवक्ता गौतम मिश्रका अनुसार दुई तले घर ढल्दा मानवीय क्षति भने हुन पाएन ।
थापाको घर ढल्दा सोही स्थानमा रहेको सानो खोल्चा पनि थुनिन पुग्यो । खोल्चा थुनिन पुगे पनि जोखिम भने छैन ।
अविरल वर्षका कारण जमिन गल्दा भिरालो सतहमा बनेको घर ढल्न पुगेको हुन सक्ने प्रहरीको अनुमान छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4