म्युचुअल फण्ड

गैरआवासीय नेपाली (NRN) ले पनि म्युचुअल फन्डमा भाग लिन र लगानीका अवसरहरूबाट लाभान्वित हुनसक्छन् । म्युचुअल फन्डमा (NRN) लाई उपलब्ध लगानी विकल्पहरू र पोर्टफोलियो प्रबन्धकहरू मार्फत लगानी गर्ने बारेमा कुरा गरौं ।

म्युचुअल फन्डमा (NRN) लगानीकर्ताका लागि विकल्प

एनआरएनहरूले पोर्टफोलियो प्रबन्धक मार्फत म्युचुअल फन्डहरूमा लगानी गर्नसक्छन् । पोर्टफोलियो प्रबन्धकहरू सेबोनबाट इजाजतपत्र प्राप्त संस्थाहरू हुन् । यी पोर्टफोलियो प्रबन्धकहरूले एनआरएनहरू र म्युचुअल फन्ड कम्पनीहरू बीचको मध्यस्थकर्ताको रूपमा काम गर्छन् । लगानीकर्ताहरूको तर्फबाट लगानी सहजीकरण र पोर्टफोलियोहरू व्यवस्थापन गर्छन् ।

एनआरएनले आफ्नो लगानी उद्देश्य, जोखिम सहनशीलता र प्राथमिकताका आधारमा विभिन्न म्युचुअल फन्ड योजनाहरू मध्येबाट छनोट गर्न सक्छन् । एनआरएनलाई उपलब्ध लगानी विकल्प आवासीय नेपालीका लागि उपलब्ध जस्तै छन् । एनआरएनलाई आफ्नो लगानी पोर्टफोलियोमा विविधता ल्याउन र आकर्षक प्रतिफल प्राप्त गर्न यसले अनुमति दिन्छ ।

पोर्टफोलियो प्रबन्धकहरू मार्फत लगानी

एनआरएनले म्युचुअल फन्डमा लगानी गर्दा यी कुराहरूमा ध्यान दिनुपर्छ :

नेपाल धितोपत्र बोर्डबाट इजाजतपत्र प्राप्त, स्थानीय बजारलाई राम्रोसँग बुझेको, एनआरएनहरूको लागि लगानी व्यवस्थापन गर्ने अनुभव भएको प्रतिष्ठित पोर्टफोलियो प्रबन्धक पहिचान गर्नुहोस् ।

पोर्टफोलियो प्रबन्धकलाई तपाईंको लगानी उद्देश्यहरू, जोखिम सहनशीलता र विशेष आवश्यकताहरू जानकारी गराउनुभयो भने उनीहरूलाई उपयुक्त म्युचुअल फन्ड सिफारिस गर्न सजिलो हुन्छ ।

तपाईंको म्युचुअल फन्डको लगानीले गरेको प्रगति बारेमा सूचित रहनुहोस् । पोर्टफोलियो प्रबन्धकद्वारा उपलब्ध गराइएको आवधिक रिपोर्टहरूको समीक्षा गर्नुहोस् । यसले तपाईंलाई आफ्नो लगानी लक्ष्यतर्फ बढे नबढेको पहिल्याउन र आवश्यक समायोजन गर्न मद्दत गर्नेछ ।

नियामकीय परिवर्तनहरूसँग अद्यावधिक रहनुहोस् :

म्युचुअल फन्डमा एनआरएनको लगानीसँग सम्बन्धित कुनै पनि नियम परिवर्तनसँग आफूलाई अपडेट राख्नुहोस् । तपाईंको लगानी निर्णयहरूलाई असर गर्न सक्ने नियम, कर वा लगानी दिशानिर्देशहरूको संशोधनको बारेमा सूचित रहनुहोस् ।

पोर्टफोलियो प्रबन्धकले  एनआरएनलाई व्यावसायिक विशेषज्ञ सेवा प्रदान गर्छन् । पोर्टफोलियो प्रबन्धकसँग सहकार्य गरेर एनआरएनले उनीहरूको बजार ज्ञान, पोर्टफोलियो विविधीकरण र उनीहरूको आवश्यकता र लक्ष्य अनुरूप लगानी रणनीतिबाट लाभ उठाउन सक्छन् ।