म्युचुअल फण्ड

NCM म्युचुअल फन्ड, २०५०

म्युचुअल फन्ड निर्देशन, २०६७ जारी हुनुअघि एनआईडीसी क्यापिटल मार्केटले एनसीएम म्युचुअल फन्ड, २०५० (१९९३/९४ मा) स्थापना गरेको थियो । यो खुलामुखी कोष थियो र यसको इकार्ई मूल्य १० रुपैयाँ थियो । पछि कोषलाई बन्दमुखी बनाइयो र नेप्सेमा सूचीबद्ध गरियो ।

नागरिक इकाई योजना, २०५२

नागरिक लगानी कोषले नागरिक इकार्ई योजना, २०५२ सञ्चालन गरेको थियो । यो पनि खुलामुखी कोष थियो । नागरिक इकाई योजना, २०५२ स्थापना गरी इकाई मूल्य रु.१०० मा सञ्चालनमा ल्याइएको थियो । यसले इकाई होल्डरहरूलाई लाभांशको रूपमा नियमित आम्दानी प्रदान गर्छ ।

एनसीएम म्युचुअल फन्ड, २०५९

एनसीएम पहिलो म्युचुअल फन्ड, २०५० को समाप्तिको क्रममा कोषले लगानीकर्ताहरूलाई लगानी फिर्ता गर्ने वा एनसीएम म्युचुअल फन्ड, २०५९ भनिने अर्को नयाँ योजनामा भाग लिन विकल्प दिएको थियो । एनसीएम म्युचुअल फन्ड, २०५९ को म्याच्योरिटी १० वर्षको थियो । यो क्लोज–एन्डेड फन्डलाई नेप्सेमा सूचीकरण गरी कारोबार थालिएको थियो ।

नेपाल धितोपत्र बोर्ड (SEBON) ले म्युचुअल फन्ड निर्देशन, २०६७ जारी गरेको थियो । नियमावली जारी भएपछि ‘क’ वर्गका बैंकहरूले नेपालमा म्युचुअल फन्ड स्थापना र सञ्चालन गर्न थालेका छन् । सिद्धार्थ क्यापिटल लिमिटेडद्वारा सञ्चालित ‘सिद्धार्थ इन्भेष्टमेन्ट ग्रोथ स्किम’ उक्त निर्देशनपछि आएको नेपालको पहिलो म्युचुअल फन्ड हो । जुन पाँच वर्षको परिपक्व अवधि भएको क्लोज–एन्डेड कोष थियो ।

नेपालमा, म्युचुअल फन्ड निर्देशन २०६७ बमोजिम, म्युचुअल फन्डबाट संकलित रकम पोर्टफोलियो प्रबन्धकले शेयर, ऋणपत्र, सरकारी धितोपत्र र मुद्दती निक्षेपमा लगानी गर्छन् । यस्तो लगानीबाट प्राप्त प्रतिफल वा नाफा समानुपातिक रूपमा लगानीकर्ताहरूलाई वितरण गरिन्छ । म्युचुअल फन्डको शेयर/युनिट खरिद गर्ने लगानीकर्तालाई इकाई होल्डर भनिन्छ ।

नेपाल धितोपत्र बोर्डले सामूहिक लगानी कोष नियमावली, २०६७ र सामूहिक लगानी कोष निर्देशिका, २०६९ जारी गरेको छ । जसअनुरूप आजका मितिमा निम्न म्युचुअल फन्डहरू सञ्चालनमा छन् ।

(सूची राख्ने)