एकीकृत समाजवादीले माग्यो प्रधानमन्त्रीको राजीनामा

News Summary

Generated by OK AI. Editorially reviewed.

नेकपा एकीकृत समाजवादीले प्रधानमन्त्री केपी शर्मा ओलीलाई सत्तामा बसिरहने नैतिक अधिकार नभएको भन्दै तत्काल राजीनामा माग गरेको छ।
सचिवालय बैठकले जेनजी प्रदर्शनकारीमाथि प्रहरी दमनपछि सरकारले आफ्नो वैधानिकता गुमाइसकेको निर्णय गरेको छ।
पार्टीले जेनजीका जायज मागप्रति ऐक्यबद्धता जनाउँदै प्रदर्शनकारीबाट पार्टी कार्यालय तोडफोडप्रति कार्बाहीको माग गरेको छ।

२३ भदौ, काठमाडौं । नेकपा एकीकृत समाजवादीले प्रधानमन्त्रीको राजीनामा मागेको छ ।

जेनजी प्रदर्शनकारीहरुमाथि प्रहरी दमन भए लगत्तै बसेको सचिवालय बैठकले प्रधानमन्त्री केपी शर्मा ओलीलाई सत्तामा बसिरहने नैतिक अधिकार नभएको निर्णय गरेको हो ।

‘यति धेरै जनताको ज्यान लिने हत्यारो सरकारलाई अब सत्तामा बसिरहने नैतिक अधिकार छैन’ बैठकपछि प्रचार प्रमुख प्रकाश ज्वालाले जारी बक्तव्यमा भनिएको छ, ‘सरकारले आफ्नो वैधानिकता गुमाइसकेको छ । त्यसकारण हाम्रो पार्टी प्रधानमन्त्री र गृहमन्त्रीको तत्काल राजीनामा माग गर्दछ ।’

एकीकृत समाजवादीले जेनजीका जायज मागहरुप्रति ऐकेबद्धता जनाउने निर्णय पनि गरेको छ । तर जेनजी प्रदर्शनकारीहरुबाट आफ्नो पार्टी कार्यालय तोडफोड भएकोप्रति भने आपत्ति जनाउँदै कार्बाहीको माग गरेको छ ।