‘सेतो धरती’ माथि नाटक मञ्चन गर्दै कान्तिपुर थिएटर

News Summary

Generated by OK AI. Editorially reviewed.

अमर न्यौपानेद्वारा लिखित मदन पुरस्कार विजेता उपन्यास 'सेतो धरती' मा आधारित नाटक कान्तिपुर थिएटरले मञ्चन गर्न लागेको छ।
लेखक न्यौपाने र थिएटर प्रमुख प्रकाश पुरीबीच पुस्तकलाई नाटकमा रूपान्तरण गर्ने सम्झौता भएको छ।
नाटक माघ ९ गते सरस्वती पूजाको दिनदेखि मञ्चन गरिने तयारी भइरहेको छ र निर्देशक तथा कलाकारबारे चाँडै जानकारी दिइनेछ।

काठमाडौं । अमर न्यौपानेद्वारा लिखित मदन पुरस्कार विजेता उपन्यास ‘सेतो धरती’ मा आधारित नाटक मञ्चन हुने भएको छ । कान्तिपुर थिएटरले यो नाटक मञ्चन गर्न लागेको हो ।

लेखक न्यौपाने र थिएटर प्रमुख प्रकाश पुरीबीच पुस्तकलाई नाटक बनाउने कुरामा सम्झौता भएको छ । कान्तिपुर थिएटरले हालै ‘मीरा’ बाट रेखा थापा र ‘शिरिषको फूल’ बाट जीवन लुइँटेललाई नाटकमा डेब्यू गराएको थियो ।

‘सेतो धरती’ मा पनि चर्चित कलाकारलाई लिने तयारी भैरहेको जनाइएको छ । पुस्तकको गरिमा र वजन मर्न नदिने विश्वाससहित कान्तिपुर थिएटरलाई नाटक मञ्चनको अधिकार दिएको न्यौपानेले जनाएका छन् ।

नेपाली साहित्यमा धेरै विक्री हुन सफल यो पुस्तकको मुख्य पात्र ताराको जीवन भोगाइलाई अक्षरमा पढेका पाठकलाई दृश्यमा देखाउन सके रोमाञ्चक हुने आशा लिइएको कान्तिपुर थिएटरका प्रमुख पुरीले बताए । पाठक मात्र नभएर रंगमञ्चका दर्शकले पनि पुस्तकमाथि स्वादिलो नाट्य खुराक पाउने आशा लिइएको उनले जनाए ।

९ माघमा सरस्वती पूजाको दिनदेखि नाटक मञ्चनको तयारी गरिएको छ । निर्देशक र कलाकारबारे चाँडै जानकारी दिइएने जनाइएको छ ।

एकेडेमीले फिल्म अध्ययन, अध्यापन सँगै पछिल्लो समय थिएटरको पनि सुरुवात गरेर निरन्तर रुपमा नाटक मन्चन गर्दै फिल्म, रंगमञ्च र साहित्यलाइ जोड्ने काम गरिरहेको छ ।