माओत्सेले कास्कीको ताङतिङबाट थाले ‘पेन्सन पट्टा’ को छायांकन (तस्वीर)

News Summary

Generated by OK AI. Editorially reviewed.

अभिनेता तथा निर्देशक माओत्से गुरुङले आगामी फिल्म 'पेन्सन पट्टा' को छायांकन कास्कीको ताङतिङ गाउँबाट सुरु गरेका छन्।
फिल्म 'पेन्सन पट्टा' मा दयाहाङ राई, सुनिल थापा लगायत कलाकारको अभिनय रहनेछ।
फिल्मको कथावस्तु लोभी केटा कसरी दानी बन्छ भन्ने विषयमा आधारित छ र छायांकन ३५ दिनसम्म चल्नेछ।

काठमाडौं । अभिनेता तथा निर्देशक माओत्से गुरुङले आगामी फिल्म ‘पेन्सन पट्टा’ को छायांकन कास्कीको रमणीय हिमाली गाउँ ताङतिङबाट थालेका छन् । अन्नपूर्ण हिमश्रृंखला सामुन्नेको यो गाउँ प्रसिद्ध पर्यटकीय थलो पनि हो ।

मुहूर्त पूजासहित छायांकन थालिएको हो । ३५ दिनसम्म उक्त आसपासमा फिल्म खिचिनेछ । दशकदेखि गुरुङ फिल्ममा सक्रिय माओत्से पछिल्लो समय नेपाली भाषाका फिल्ममा पनि ब्यस्त छन् ।

‘दयारानी’ पछि उनको यो दोस्रो नेपालीभाषी फिल्म हो । ‘दयारानी’ बक्सअफिसमा हिट भएको थियो ।

‘पेन्सन पट्टा’ मा दयाहाङ राई, सुनिल थापा, पशुपति राई, गौमाया गुरुङ, बुद्धि तामाङ, विल्सनविक्रम राई, पुस्कर गुरुङ , सुनिल थापा, राज थापा काउचा, लुनिभा तुलाधर, विश्वास गुरुङ, माया गुरुङ, यासिली राईको अभिनय हुनेछ । कला निर्देशकमा राजु याक्चा छन् ।

लोभी केटा कसरी दानी बन्छ भन्ने कथावस्तुमा फिल्म निर्माण हुन लागेको हो । माओत्से गुरुङ फिल्मस्को ब्यानरमा बन्ने फिल्मको लगानीकर्तामा मीन कोन्मे गुरुङ, भोजबहादुर गुरुङ, सपना गुरुङ छन् ।