१४ भदौ, काठमाडौं । इलोन मस्कको भू-उपग्रहमा आधारित इन्टरनेट कम्पनी स्टारलिङ्कले नेपाल र तिब्बत सीमा क्षेत्रमा आएको विनाशकारी बाढीप्रति गहिरो दुःख व्यक्त गर्दै विपद् प्रभावित क्षेत्रमा निःशुल्क इन्टरनेट सेवा उपलब्ध गराउन तयार रहेको घोषणा गरेको छ।
शनिबार सामाजिक सञ्जाल एक्समार्फत एक सन्देश जारी गर्दै कम्पनीले नेपाल सरकार र मानवीय सहायतामा खटिएका निकायहरूलाई सघाउन तयार रहेको स्पष्ट पारेको हो।
कम्पनीले आफ्नो सन्देशमा भनेको छ, ‘हामीलाई अनुमति प्राप्त हुनासाथ नेपाल सरकार र मानवीय साझेदारहरूलाई सहयोग गर्न स्टारलिङ्कका उपकरणहरू पठाउन र निःशुल्क सेवा उपलब्ध गराउन हामी तयार छौँ।‘
विपद्मा किन महत्त्वपूर्ण छ स्टारलिङ्क ?
बाढीपहिरोका कारण सडक, पुल र परम्परागत मोबाइल नेटवर्क पूर्ण रूपमा ध्वस्त भएको अवस्थामा स्टारलिङ्कको सञ्चार सेवा अत्यन्त जीवनरक्षक साबित हुने कम्पनीले उल्लेख गरेको छ।
यस प्रविधिले विशेषगरी बाढी प्रभावित क्षेत्रमा विभिन्न कार्यमा प्रत्यक्ष लाभ पुर्याउने कम्पनीको भनाइ छ । कम्पनीका अनुसार, बेपत्ताहरूको खोजी कार्यमा समन्वय गरिरहेका उद्धार टोलीहरूलाई, घाइतेहरूको उपचारमा खटिएका स्वास्थ्यकर्मी र मेडिकल टोलीलाई, आफ्ना सम्पर्कविहीन आफन्त र प्रियजनसँग जोडिन प्रयास गरिरहेका परिवारहरूलाई यो सेवा लाभदायी हुनेछ ।
कसरी काम गर्छ ?
स्टारलिङ्कका अनुसार, यसका उपकरणहरू बक्सबाट निकालेको केही मिनेटभित्रै जडान गरी उच्च गतिको इन्टरनेट सञ्चालन गर्न सकिन्छ। यसलाई चलाउनका लागि केवल दुई कुरा विद्युत् आपूर्ति र उपकरणले सिधा देख्ने खुला आकाश आवश्यक पर्दछ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4