News Summary
Generated by OK AI. Editorially reviewed.- सरकारले पूँजी बजार सुधार कार्ययोजना सार्वजनिक गरेपछि मंगलबार बढेको सेयर बजार बुधबार २१.१९ अंक घटेर नेप्से २६१२ अंकमा झरेको छ।
- आज सेयर कारोबार रकम घटेर ५ अर्ब ३८ करोडमा सीमित भएको छ, जबकि अघिल्लो दिन ८ अर्ब २९ करोडको कारोबार भएको थियो।
- बुधबार सबै समूहगत सूचक घटेका छन्, ४२ कम्पनीको मूल्य बढ्दा २२५ को घटेको छ र १२ को स्थिर रहेको छ।
३१ भदौ, काठमाडौं । सरकारले ल्याएको पूँजी बजार सुधार कार्ययोजनापछि मंगलबार सेयर बजार ४८ अंक बढे पनि बुधबार फेरि २१.१९ अंक घटेको छ ।
आजको कारोबारपछि नेप्से परिसूचक २६१२ अंकमा कायम भएको छ । सोमबार साँझ अर्थमन्त्री स्वर्णिम वाग्लेले पूँजीगत लाभकर हालको भन्दा आधा घटाउनेसहित बजार सुधारको कार्यायोजना सार्वजनिक गरेका छन् । जसको उत्साह मंगलबार मात्रै देखियो । बुधबार दिनभरजसो बजार रातो अंकमा रह्यो ।
कारोबार रकम पनि आज घट्यो । अघिल्लो दिन ८ अर्ब २९ करोडको कारोबार भएकोमा आज ५ अर्ब ३८ करोडको भयो ।
सबै समूहगत सूचक घटेका छन् । बैंकिङ ०.६३, विकास बैंक ०.७३, फाइनान्स ०.७६, होटल तथा पर्यटन ०.८५, जलविद्युत् १.०४, लगानी ०८१, जीवन बीमा १.०१, उत्पादन तथा प्रशोधन ०.५२, माइक्रोफाइनान्स ०.८२, निर्जीवन बीमा ०.९१, अन्य ०.८७ र व्यापार ०.७० प्रतिशत घटे ।
आज ४२ कम्पनीको मूल्य बढ्दा २२५ को घटेको छ भने १२ को स्थिर रह्यो । नारायणी डेभलपमेन्ट बैंकको ६.३७, हिमाल दोलखा हाइड्रोपावरको ५.३१, माउन्ट एभरेस्ट पावरको ४.३८, कालिका लघुवित्तको ४.३४, बोटलर्स नेपाल बालाजुको ३.५९ प्रतिशत मूल्य बढ्यो ।
त्यस्तै रिजलाइन इनर्जीको ५.२१, नेपाल वेयर हाउजिङकोे ४.९६, स्वाभिमान लघुवित्तको ४.५८, सिन्धु विकास बैंकको ४.४४ प्रतिशत मूल्य घट्यो ।
आज धेरै कारोबार भएका कम्पनीमा हिमाल दोलखा हाइड्रोपावर, रिलायन्स स्पिनिङ मिल्स, शिवम् सिमेन्ट, सोलु हाइड्रोपावर, लिबर्टी इनर्जी तथा एनआरएन इन्फ्रास्ट्रक्चर अगाडि रहे ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4