News Summary
Generated by OK AI. Editorially reviewed.- रास्वपा सांसद शोभा खनालले भोटेकोशी बाढीका पीडित परिवारलाई राहत, पुनःस्थापना र काजकिरियामा कानुनी अड्चन हटाउन मुलुकी देवानी संहिता संशोधन गर्न सरकारसँग आग्रह गरिन्।
- उनले प्रतिनिधिसभामा १२ वर्षसम्म सूचना नभएको व्यक्तिलाई मृत्यु मान्ने दफा विपद्मा पीडित परिवारका लागि बाधा बनेको बताइन्।
- खनालले आफन्त गुमाएका र बेपत्ता परिवारले राहत र संरक्षण पाउन तत्काल कानुनी प्रक्रिया सरल बनाउनुपर्ने बताइन्।
१ असोज, काठमाडौं । राष्ट्रिय स्वतन्त्र पार्टीकी सांसद शोभा खनालले भोटेकोशीमा विनाशकारी बाढी गएको निकै दिन भइसकेको बताएकी छन् ।
प्रतिनिधिसभाको बैठकमा बोल्दै उनले भनिन्, ‘आफन्त गुमाएका र बेपत्ता रहेका परिवारको भावनाको पीडा त छँदैछ । राहत, पुन:र्स्थापना र काजकिरियाका लागि आवश्यक कानुनी प्रक्रियाले उनीहरूको पीडा झन बढाएको छ ।’
‘आज कि भोलि भन्दै सास कि लासको प्रतिक्षामा रहेका परिवारलाई कानुनले अझै १२ वर्ष कुर्नुपर्ने अवस्था सिर्जना हुनु अत्यन्त संवेदनशील विषय हो,’ उनले भनिन् ।
मुलुकी देवा संहिता २०७४ को दफा ४० मा लगातार १२ वर्षसम्म कुनै सूचना नभएको व्यक्तिलाई मृत्यु भएको मान्न सकिने व्यवस्था छ ।
तर विपद् जस्तो असाधारण परिस्थितिमा यस्तो कानुनी व्यवस्थाले पीडित परिवारलाई तत्काल राज्यबाट पाउनुपर्ने राहत र संरक्षणमा बाधा सिर्जना हुने सांसद खनालले बताइन् ।
यसकारण सरकारले मुलुकी देवानी संहिताको सम्बन्धित दफा नै संशोधन गरी विपद् पीडित परिवारलाई थप कानुनी अड्चनमा नराख्ने गरी सरकारले निर्णय गर्नुपर्ने उनको आग्रह छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4