News Summary
Generated by OK AI. Editorially reviewed.- चार दिनदेखि परेको अविरल वर्षा आइतबारदेखि कम भएकाले सर्वसाधरण नियमित काममा फर्कन थालेका छन् ।
- काठमाडौं उपत्यकाको मौसम आइतबार दिउँसो खुल्दै गएको र साँझ वरपरका हिमालहरू प्रष्ट देखिएको थियो ।
- मौसमविद् सञ्जीव अधिकारीले न्यूनचापीय प्रणाली कमजोर भएकाले आज पनि केही वर्षाका गतिविधि हुने बताए ।
११ असोज, काठमाडौं । चार दिनदेखि लगातार परेको अविरल वर्षा आइतबारबाट कम भएको छ । वर्षा कम भएसँगै सर्वसाधरणहरू नियमित काममा सहजै फर्कन थालेका छन् ।
आइतबार दिउँसोबाट काठमाडौं उपत्यकाको पनि मौसम खुल्दै गएको छ । दिउँसो उपत्यकामा घाम लागेको थियो ।
साँझ उपत्यकाबाट वरपरका हिमालहरू प्रष्ट देखिए । नेपाल मौसम विज्ञान विभागको मौसम पूर्वानुमान महाशाखाका मौसमविद् सञ्जीव अधिकारीका अनुसार, उत्तर प्रदेश आसपास अवस्थित न्यूनचापीय क्षेत्र नेपालको लुम्बिनी र सुदूरपश्चिम प्रदेशको दक्षिणतर्फ रहेकाले ती क्षेत्रमा मात्रै वर्षाको गतिविधि केन्द्रित भएको हो ।
काठमाडौं लगायत बागमतीका क्षेत्रमा पनि मनसुन कमजोर भएको छ ।
न्यूनचापीय क्षेत्रसँगै बंगालको खाडीबाट जलवाष्प बोकेको हावा पनि गएराति नेपालको मध्य भूभागतर्फ केन्द्रित भएको थियो ।
अहिले न्यूनचापीय प्रणाली विस्तारै कमजोर भइसकेको र त्यसको थोरै मात्र प्रभाव बाँकी रहेकाले आज पनि वर्षाका केही गतिविधि हुने उनले बताए ।
काठमाडौं उपत्यकाबाट देखिएका हिमालका केही तस्वीरहरू–
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4