+
+
Shares

धनकुटामा कौडा खेलिरहेको अवस्थामा २० जना पक्राउ, ३ लाख बढी नगद बरामद

अनलाइनखबर अनलाइनखबर
२०८३ मंसिर ४ गते ८:२४

४ मंसिर, धनकुटा । धनकुटाको महालक्ष्मी नगरपालिकामा कौडा खेलिरहेको अवस्थामा २० जना पक्राउ परेका छन् ।

प्रहरीले उनीहरूको साथबाट नगद ३ लाख ८८ हजार ९ सय ७० रुपैयाँ र १६ वटा ठूलो कौडा बरामद गरेको छ ।

महालक्ष्मी नगरपालिका-४ दमारस्थित तेजकुमार श्रेष्ठको घरमा जुवा खेलिरहेको विशेष सूचना प्राप्त भएपछि प्रहरीले छापा मारेको थियो ।

प्रहरी निरीक्षक रामप्रसाद खनालको कमान्डमा खटिएको प्रहरी टोलीले जुवा खेलिरहेको अवस्थामा घरधनी श्रेष्ठसहित २० जनालाई नियन्त्रणमा लिएको हो ।

प्रहरीले जुवा खेलिरहेको खालबाट नगद ५४ हजार रुपैयाँ र पक्राउ परेका २० जनाको साथबाट ३ लाख ३४ हजार ९ सय ७० रुपैयाँ बरामद गरेको जनाएको छ ।

बरामद रकम र कौडासहित उनीहरुलाई शुक्रबार बिहान जिल्ला प्रहरी कार्यालय धनकुटा ल्याइएको जिल्ला प्रहरी कार्यालयका सूचना अधिकारी प्रहरी नायब उपरिक्षक हेमन्त भण्डारी क्षेत्रीले जानकारी दिए ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?