राष्ट्रसंघ महासचिवद्वारा शोक व्यक्त

२७ माघ, काठमाडौं । संयुक्त राष्ट्रसंघका महासचिव वान कि मुनले नेपाली कांग्रेसका सभापति तथा पूर्वप्रधानमन्त्री सुशील कोइरालाको निधनमा शोक व्यक्त गरेका छन् ।

जटिल संक्रमणकाल र संवैधानिक प्रक्रियाबाट नेपाललाई डोर्‍याएको भन्दै उनले कोइरालाको प्रशंसा गरेका छन् । ‘कोइरालाले नेपाली जनतालाई एकतावद्ध गर्न र पार्टीहरुलाई नजिक ल्याउन सम्झौताको भावनाबाट अथक प्रयास गर्नुभयो । नेपालको लोकतान्त्रिकरण र शान्ति प्रक्रियामा समेत उहाँको महत्वपूर्ण योगदान छ,’ महासचिव बानद्वारा जारी विज्ञप्तिमा भनिएको छ ।

उनले कोइराला परिवार तथा नेपाली जनतप्रति हार्दिक समवेदना प्रकट गरेका छन् ।