गौरीदेखि चाँदनीसम्म र्‍याम्पमा

काठमाण्डौमा ‘स्टाइल उत्सव’ कार्यक्रम आयोजना गरिएको छ । तीज विशेष सेलिब्रेटी र्‍याम्प शोको रुपमा यो कार्यक्रम आयोजना गरिएको हो । र्‍याम्प शोमा गौरी मल्ल, चाँदनी शर्मा, क्षितिजा शाक्य, पूर्व मिस नेपाल उषा खड्गी, निर्मात्री पूनम गौतम, पूजा शर्मा लगायतले र्‍याम्प नापेका थिए ।

मर्निङ ग्लोरी इन्टरटेन्मेन्टको आयोजना तथा पुनम इन्टरटेन्मेन्टको सहकार्यमा हरितालिका तीजको अवसर पारेर कार्यक्रम आयोजना गरिएको हो । शोमा नेपालका अन्य चर्चित मोडलहरुले पनि क्याटवाक गरेका थिए ।

प्रतिमा श्रेष्ठ कोरियोग्राफर रहेको शोमा विश्व गौतम, अकल्प वुटिक लगायतले आफ्ना डिजाइन प्रस्तुत गरेका थिए । कार्यक्रममा गायिकाद्धय कुन्ती मोक्तान र देविका बन्दनाले आफ्नो प्रस्तुती दिएका थिए ।