दुई विधेयक दफावार छलफल गर्न समितिमा पठाइयो

९ कात्तिक, काठमाडौं । व्यवस्थापिका संसद बैठकले दुईवटा विधेयकलाई दफावार छलफलका लागि सम्बन्धित समितिमा पठाएको छ ।

मंगलबार बसेको संसद बैठकले अपांगता भएका व्यक्तिको अधिकार सम्बन्धी विधेयक २०७२ लाई दफावार छलफलका लागि महिला बालबालिका तथा जेष्ठ नागरिक र समाज कल्याण समितिमा पठाएको हो ।

त्यसैगरी नेपाल पशु चिकित्सा परिषद पहिलो संसोधन विधेयक २०७२ लाई दफावार छलफलका लागि सम्बन्धित समितिमा पठाइएको छ । दुबै विधेयकलाई बैठकले सर्वस्वीकृत दफावार छलफल गर्न सम्बन्धित समितिमा पठाएको हो ।