पौडी खेल्ने क्रममा डुबेर मृत्यु

१८ बैशाख, नेपालगञ्ज । पौडि खेल्न गएका बाँके कोहलपुरका एक जना बालकको डुबेर मृत्यु भएको छ ।

जिल्ला प्रहरी कार्यालय बाँकेले दिएको जानकारी अनुसार कोहलपुर-१२ डुडुवा मसुरीखेतका १३ वर्षीय सविन सिग्देलको मसुरीखेत नजिकैको डुडुवामा डुबेर मृत्यु भएको हो ।

सोमबार दिउँसो घटना भए लगत्तै ईप्रका कोहलपुरबाट प्रहरी निरीक्षक नवराज पोख्रेलको टोली घटनास्थल पुगेर आवश्यक अनुसंधान पछि मृतकको शव घटनास्थलबाट निकालेर पोष्टमार्टमको लागि भेरी अञ्चल अस्पताल पठाईएको प्रहरीले जनाएको छ ।