नेविसंघको रिले अनशन स्थगित

३ भदौ, काठमाडौं । नेपाल विद्यार्थी संघले पोखरा विश्वविद्यालयमा गरेको रिले अनशन स्थगित गरेको छ ।

कोरोना भाइरस संक्रमणको महामारीलाई दृष्टिगत गरी अनशनको कार्यक्रम केही दिनका लागि स्थगित गरिएको संघका महामन्त्री दीपक भट्टराईले जानकारी दिए ।

पोखरा विश्वविद्यालयका उपकुलपति र रजिष्टारको नियुक्तिको माग गर्दै नेविसंघले जारी राखेको रिले अनशन २६ औँ दिनमा स्थगित गरिएको उनले बताए ।

विश्वविद्यालयमा लामो समयदेखि पदाधिकारीविहीन हुँदा शैक्षिक गतिविधिमा असर परेको र त्यसले हजारौँ विद्यार्थीको भविष्य अन्योल बनेको उनको भनाइ छ ।

विद्यार्थीले राखेको जायज माग सम्बोधन गर्न सरकारले बेवास्था गरेको भन्दै भट्टराईले आन्दोलनका कार्यक्रम फरक किसिमबाट सञ्चालन हुने बताउ ।