२९ मंसिर, काठमाडौं । बाँकेको नेपालगञ्जस्थित भेरी अस्पतालमा उपचारको क्रममा एकजना कोरोना संक्रमित पुरुषको मृत्यु भएको छ ।
अस्पतालका अनुसार कञ्चनपुरको भिमदत्त नगरपालिका-१५ का ५४ वर्षीय पुरुषको आइतबार राति १२:३० बजे मृत्यु भएको हो ।
भेरी अस्पतालमा मंसिर २२ गते कोरोना परीक्षण गराएकोमा सोही दिन उनको रिपोर्ट पोजेटिभ आएको थियो ।
कोरोना पुष्टि भएसँगै अस्पतालको आइसोलेसन वार्डमा भर्ना भएका उनको रेमडिसिभिर, प्लाज्मा थेरापी लगायतको विधिबाट उपचार गरिए पनि बचाउन नसकिएको अस्पतालले जनाएको छ ।
