नारायण जोशी
नेपाल, ब्याट्समेन
नेपाल, ब्याट्समेन नारायण जोशी नेपाली क्रिकेटका एक उदयमान र प्रतिभावान युवा अलराउन्डर हुन्। २९ जनवरी २००१ मा कैलालीमा जन्मिएका जोशी दायाँ हाते आक्रामक ब्याट्सम्यान तथा दायाँ हाते मध्यम गतिका बलर हुन्।
नेपालको युवा उमेर समूह यू-१६ बाट आफ्नो क्रिकेट यात्रा सुरु गरेका उनले घरेलु क्रिकेटमा सुदूरपश्चिम प्रदेशको प्रतिनिधित्व गर्दै टोलीको कप्तानी समेत सम्हालिसकेका छन्। राष्ट्रिय टोलीको बलियो ब्याकअपका रूपमा रहेको ‘नेपाल ए’ टोलीका उनी एक प्रमुख र भरपर्दा सदस्य हुन्।
उनी एनपीएलमा विराटनगर किङ्ससँग आबद्ध छन्, जहाँ उनको उत्कृष्ट प्रदर्शनका कारण टोलीले उनलाई सन् २०२६ को सिजनका लागि समेत रिटेन गरेको छ। यसअघि उनले पहिलो सिजनमा पोखरा एभेन्जर्सबाट खेलेका थिए भने घरेलु फ्रेन्चाइज लिगमा ललितपुर प्याट्रियट्सबाट खेलिसकेका छन्।
सन् २०२४ मा आयरल्याण्ड ‘ए’ विरुद्ध नेपाल ‘ए’ को तर्फबाट खेलेका जोशीले अन्तर्राष्ट्रिय मञ्चमा पनि आफ्नो छाप छाडिसकेका छन्। विशेष गरी अस्ट्रेलियाको डार्विनमा आयोजित टप एन्ड टी-२० सिरिजमा होबार्ट हरिकेन्स एकेडेमीविरुद्ध मात्र ८ रन खर्चेर ३ विकेट लिँदै उनले नेपाल ‘ए’ लाई सनसनीपूर्ण जित दिलाएका थिए।
तल्लो मध्यक्रममा आएर विस्फोटक ब्याटिङ गर्ने र खेलको मध्य ओभरहरूमा साझेदारी तोड्दै विकेट निकाल्न सक्ने विशेष क्षमता उनमा छ ।
Read Fullसमाचार
प्लेयर्स टु वाच
Deprecated: Increment on non-numeric string is deprecated, use str_increment() instead in /data/public/wp-content/themes/onlinekhabar-2021/ok-cricket/template-cricket-player.php on line 190
















