काठमाडौंका अन्जन राईले फ्रिकिक प्रहार नगरी पास दिए ।

काठमाडौंका मौसम सुब्बाको स्थानमा खमिर गिल्सन मैदान प्रवेश गरेका छन् । मौसम सुब्बा यसअघि दिपेश गुरुङको स्थानमा मैदान प्रवेश गरेका थिए ।

दोस्रो हाफको अन्त्यमा ६ मिनेटको इन्जुरी टाइम थप गरिएको छ ।

काठमाडौंको अमित तामाङको स्थानमा अन्जन राई मैदान प्रवेश गरेका छन् । काठमाडौंले पहिलो सिजन उपाधि जित्दाका टिममा रहेका अन्जन राई मात्र दोस्रो सिजन पनि काठमाडौंमा छन् ।

इलामका अमथले कर्नर पास इब्राहिमलाई दिए । इब्राहिमको प्रहार पोष्ट भन्दा बाहिर गयो ।

इलामले खेलाडी परिवर्तन गरेको छ । दिपेश घलेको स्थानमा भरत खवास मैदान प्रवेश गरेका छन् । भरत पहिलो सिजनमा एफसी चितवनको मार्की प्लेअर थिए ।

खेलको अन्तिम पाँच मिनेट बाँकी । के इलामले बराबरी गोल फर्काउला त ? स्मरण रहोस् काठमाडौं रेजर्सले पहिलो सिजनमा पनि उद्घाटन खेलमा ललितपुर सिटीलाई १-० ले पराजित गरेको थियो ।

हिसुबको स्थानमा गणेश हमाल मैदान प्रवेश गरेका छन् । कप्तानको आर्मब्याण्ड कुलदिप कार्कीलाई ।

• काठमाडौंका मार्की तथा कप्तान हिसुब थपलिया घाइते भएका छन् । उनलाई स्ट्रेचरमा मैदान बाहिर ल्याइएको छ ।

इलामका अमथले पेनाल्टी बक्स बाहिरबाट हानेको प्रहार पोष्ट नजिकैबाट बाहिरियो ।

इलामले तीन खेलाडी परिवर्तन गरेको छ । विराज महर्जनको स्थानमा विमल पाण्डे, सौरभ लिम्बुको स्थानमा आशिष चापागाईँ र नविन लामाको स्थानमा सन्तोष खत्री मैदान प्रवेश गरेका छन् ।

इलामका इब्राहिमले करिब २५ यार्ड टाढाबाट हानेको फ्रिकिक पोष्ट नजिकबाट बाहिरियो ।

इलामका इब्राहिमको कर्नर सामान्य रह्यो ।

• सुपर लिगको यो सिजनका पहिलो गोलकर्ता राजीव ।

इलामका गोलकिपर विकेश कुथु बिट भइसकेको अवस्थामा डिफेण्डर जितेन्द्र कार्कीले बल क्लियर गर्दै संकट टारे ।

एक गोलले पछि परेपछि इलामले आक्रमक खेल प्रस्तुत गरेको छ । इलाम बराबरी गोल फर्काउने प्रयासमा छ ।

इलामका अमथले क्रस हानेको बल काठमाडौंका खेलाडीलाई लागेर बाहिर गयो । त्यसमा प्राप्त कर्नरमा अमथले टिममेटलाई पास दिए ।

इलामका नविन लामाले करिब २५ यार्ड टाढाबाट हानेको फ्रिकिक प्रहार पोष्ट नजिकबाट बाहिरियो ।

इलामले फ्रिकिक पाएको छ । अमथ एनडले हानेको फ्रिकिकको बलले लागेर काठमाडौंका खेलाडी अमित तामाङ मैदानमा ढलेका छन् ।

काठमाडौंका सोखरुख सामान्य घाइते भएका छन् ।

इलामका सौरभ लिम्बुले बक्स नजिकै पुर्‍याएको बल काठमाडौंका आन्द्रेस नियाले क्लियर गरे ।

• कोमिलोभको कर्नरमा जुनिएर एनकुनगएले हेड गरेका थिए । बल पेनाल्टी बक्स भित्र हुलमुलमा जुनिएरले नै दिएको पासमा वैकल्पिक खेलाडी राजीव लोप्चनले सिक्स यार्ड बक्सबाट गोल गरे ।

काठमाडौंले कर्नर पाएको छ ।

इलामका दिपेश घलेले काठमाडौंका कोमिलोभ तोजिदिनोभलाई फउल गरेका छन् । उनले पहेँलो कार्ड पाए ।

काठमाडौं रेजर्सले खेलाडी परिवर्तन गरेको छ । दिपेश गुरुङको स्थानमा मौसम सुब्बा र प्रशान्त अवस्थीको स्थानमा राजीव लोप्चन मैदान प्रवेश गरेका छन् ।

पहिलो हाफमा २ मिनेट समय थपिएको छ ।

काठमाडौैका तोमिलोभको फ्रिकिक फितलो रह्यो ।

काठमाडौैका कोमिलोभ तोजिदिनोभले पहेँलो कार्ड पाएका छन् ।

मैदानमा दुई टिमका खेलाडीबीच सामान्य हात हालाहाल भएको छ ।

जितेन्द्र कार्कीले कर्नर नजिकैबाट राम्रो पास निकालेका थिए । तर डी बक्समा इलामका खेलाडीले बल भेट्टाउन सकेनन् ।

नेपाल सुपर लिगको उद्घाटन खेल चलिरहेको छ । अहिलेसम्म दुबै टिमबाट गोल हुन सकेको छैन ।

बाया कर्नरबाट इलामका नविन लामाले प्रहार गरेको फ्रिकिक अब्दोल्जले हेडर गरेका थिए । तर पोस्टको दिशा लिन सकेन ।

इलामका नविन लामाले प्रहार गरेको फ्रिकिक डिफेन्डरले क्लियर गरे ।