डिम्याट खाता

स्थायी लेखा नम्बर (प्यान) कार्ड करसँग सम्बन्धित छ । नजिकको कर कार्यालयबाट यो कार्ड पाउन सकिन्छ । आवेदन प्रक्रिया र आवश्यक कागजात बारे थप जानकारी आन्तरिक राजस्व विभाग (आईआरडी) को वेबसाइट वा शाखा कार्यालयबाट पाउन सकिन्छ ।

व्यक्तिगत प्यान कार्डका लागि यो लिंकमा थिच्नुहोस्ः

धितोपत्र कारोबारमा लाग्ने पूँजीगत लाभकर तथा अन्य कर सम्बन्धित लगानीकर्ताको स्थायी लेखा नम्बरमा ई–फाइलिङ गर्नुपर्ने भएकोले ब्रोकरको सेटलमेन्ट सिस्टममा अनिवार्य रूपमा अभिलेख गर्नुहोस् । यसो गर्दा तपाईले गरेको कारोबार वा मुनाफामा लागेको कर तपाईकै नाममा जम्मा हुन्छ ।

स्थायी लेखा नम्बरमा शेयर कारोबार तथा लाभकर मात्रै नभएर सम्पूर्ण करहरू आफ्नै नाममा तिर्न सकिन्छ र यो अभिलेख आन्तरिक राजस्व कार्यालयमा रहन्छ । यसो गर्दा तपाईको सम्पत्ति कर सम्बन्धी कुनै विवाद भएमा आफूले तिरेको करको अभिलेख सजिलै प्राप्त गर्न सकिन्छ ।