१९, फागुन काठमाडौं । नेकपा एमालेले वैकल्पिक केन्द्रीय सदस्यमा ८ जना नेताहरुलाई मनोनित गरेको छ ।
स्थायी कमिटीको मंगलवार बसेको बैठकले झापाका खगेन्द्र चुँडाल, रामेछापका देवशंकर पौडेल, कास्कीका मानवहादुर जिसी, काठमाडौंका रुपनारायण श्रेष्ठ र अछामका झपट रावललाई वैकल्पिक केन्द्रीय सदस्य बनाएको हो ।
त्यस्तै अन्य पार्टीबाट एमालेमा प्रवेश गरेकामध्ये डा. देउमान सम्बाहम्फे, भाष्कर काफ्ले र प्रल्हाद गिरी पनि वैकल्पिक केन्द्रीय सदस्य बनेका छन् ।
सम्बाहम्फे र काफ्ले नेकपा मालेबाट प्रवेश गरेका हुन् मधेशी मूलका प्रल्हाद गिरी एनेकपा माओवादीबाट प्रवेश गरेका हुन् । उनी केही समय मधेशको सशस्त्र समूहमा समेत थिए ।
स्थायी कमिटीले मनोनित गर्ने कोटा समेत पूरा गरि केन्द्रीय कमिटीलाई पूर्णता दिएको केन्द्रीय सदस्य सूर्य थापाले बताए । अब एमाले केन्द्रीय कमिटी १ सय ८४ सदस्यीय भएको छ ।
