२० फागुन, मुस्ताङ । तीन दिनदेखि निरन्तरको हिमपातले जिल्लाको लोमान्थाङमा अलपत्र परेका सात पर्यटकको मङ्गलबार दिउँसो उद्धार गरिएको छ ।
मनाङ एयरको हेलिकप्टरमार्फत तीन विदेशी र चार नेपालीसहित सातजनाको उद्धार गरिएको हो । उनीहरुलाई उद्धारपछि सिधै काठमाडौँ लगिएको जिल्ला प्रहरी कार्यालय मुस्ताङले जनाएको छ ।
उद्धार गरिएका विदेशीमा दुई जर्मनी र एक इटालियन नागरिक रहेको प्रहरी नायब उपरीक्षक गोविन्द पाठकले जानकारी दिए । ँउनीहरुको पहिचान भने हुन सकेन, उनीहरु एक हप्ताअघि कागबेनीबाट लोमान्थाङ छिरेका थिए, प्रनाउ पाठकले भने ँभ्रमण सकेर फर्कने क्रममा हिउँ परेपछि उनीहरु अलपत्र भएका थिए ।ू
ती पर्यटकलाई दुई वटा हेलिकप्टरबाट उद्धार गरिएको बताइएको छ । मौसम सुरु नहुँदै ती पर्यटक लोमान्थाङ जाँदा समस्या उत्पन्न भएको अन्नपूर्ण संरक्षण क्षेत्र आयोजना ९एक्याप० मुस्ताङका प्रमुख विदुर कुइँकेलले जानकारी दिए ।
ँउनीहरु एकदमै जोखिम मोलेर गएका थिए, अहिले उद्धार भएपछि राम्रो भयो, उनले भने । भारी हिमपातमा परी मुस्ताङमा दुई जनाको मृत्यु भइसकेको छ । रासस
