कोरियाली स्मार्टफोन निर्माता एलजीले उत्पादन गरेको उच्च क्षमताको स्मार्टफोन ‘एल जी ३’ स्मार्टफोनले यो बर्षको उत्कृष्ट स्मार्टफोनको उपाधि जितेको छ ।
सन् २०१४ मा उत्पादित बिश्वभरका स्मार्टफोनमध्ये एन्ड्रोइड सिस्टमयुक्त एलजीको जी ३ र एप्पल अपरेटिङ सिस्टमयुक्त आइइफोन ६ ले संयुक्तरुपमा यो अवार्ड हात पारेका छन् ।
स्पेनको बार्सिलोनामा सम्पन्न ‘मोबाइल वर्ल्ड कंग्रेस २०१५’मा यी दुई स्मार्टफोनलाई उपाधि प्रदान गरिएको छ ।
३ सयभन्दा बढि बिशेषज्ञ, प्रबिधि बिश्लेषक, पत्रकार र अनुसन्धानकर्ताहरुको मतका आधारमा यो उपाधि प्रदान गरिएको हो । जीएसएम एसोसिएसनले अन्य बिभिन्न बिधामा ‘ग्लोबल मोबाइल अवार्ड २०१५’ प्रदान गरेको छ ।
एलजीले उच्च क्षमतायुक्त स्मार्टफोनमा एप्पलको आइफोन ६ र सामसुङका उत्पादनसँग प्रतिस्पर्धा गरिरहेको छ । ५.५ इन्च स्क्रिन भएको जी ३ मा, १३ मेगापिक्सेल क्यामेरा, ३२ जीबी आन्तरिक स्टोरेज (१२८ जीबीसम्म बढाउन सकिने माइक्रो एसडी), ३००० एमएएचको क्षमताको ब्याट्री, वायरलेस चार्जिङ लगायतका सुबिधा छन् ।
उत्कृष्ट सस्तो स्मार्टफोनका अवार्ड मोटोरोलाको ‘मोटो इ’ ले हात पारेको छ । बेष्ट ट्याबलेटको उपाधि माइक्रोसफ्टको ‘सर्फ]{ प्रो ३’ले जितेको छ भने वेष्ट वेयरवेल टेक्नोलोजीको उपाधि मोटोरोलाकै ‘मोटो ३६०’ स्मार्ट घडीले हात पारेको छ ।
