राकेश कार्की
मेरो प्यारो सिन्धुलीमा दसैं आयो होला
ताउ खोला कमला बगी रहेकै होला
महाभारत चुरेले छाती बिछ्यायो होला
जुनारको पात हल्ली हाम्लाई डाक्दै होला
सिन्धुली-गढी हाम्रो ईतिहास हाम्रै जीत
सिन्धुलीय जाती हामी हाम्रो आफ्नै रीत
जन्म्यौँ हामी हुर्कियौँ सिन्धुली कै छायाँ
जाँ जाउँ जति कमाउँ त्यही माटोको माया
मेरो प्यारो सिन्धुलीमा दसैं आयो होला
खेतबारी काम बिसाई थकाई मार्यो होला
घर पोती नयाँ लुगा चहल पहल होला
पालैपालो लिङ्गे पिङ् हुइया मच्चियो होला
कामी तामाङ क्षेत्री लामा मगर गुरुङ राई
दनुवार मुसर सार्की माझी बाहुन दमाई
त्रिवेणीको दोहरीमा प्रेमको गीत गाइ
रक्षा गर प्रेम बाँड हे सिन्धुली माई
मेरो प्यारो सिन्धुलीमा दसैं आयो होला
लाहुर जाने जिल्लावासी घर फर्के होला
रमाइलो मुरली र मादल बज्यो होला
टिको र जमाराले जिल्लै रङ्ग्यो होला
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
भर्खरै
पुराना
लोकप्रिय
Hot Properties
.jpg "Land on sale at Sanagaun")
सम्बन्धित खबर
ट्रेन्डिङ
Advertisment
प्रतिक्रिया 4