कपिलवस्तुका किसान कम्बाइन हार्भेष्टर तर्फ आकषिर्त

सनिउल्ला धोबी

४ कात्तिक, कपिलवस्तु । कपिलवस्तुका कृषकलाई यतिबेला धानबाली काट्ने चटारोले भ्याई नभ्याई छ । लामो समयदेखि हसियाँले धान काटेर भित्राउने किसानहरु अब भने नयाँ प्रविधिको प्रयोग गर्न थालेका छन । कम समयमा प्रसस्त क्षेत्रफलको धान काट्न सकिने हुनाले उनिहरुले कम्बाईन हार्भेष्टरको प्रयोग गदै आई रहेका छन ।

नयाँ यान्त्रिक प्रविधि कम्बाइन हार्भेष्टरले धान भित्रयाउँदा समय, श्रम र लागतमा बचत हुने भएकाले यस तर्फ किसानहरु आकषिर्त भएका हुन् । धान काट्ने, केलाउने र परालको व्यवस्थापन एकैपटक गर्ने भएकाले यस क्षेत्रमा यो प्रविधिको प्रयोगमा उल्लेखनीय वृद्धि भएको हो ।

कृषि मजदुरको समस्याबाट पीडित हुने गरेका यस भेगका किसानले समयमा धान भित्रयाउन नसक्दा थप नोक्सानी व्यहोरिरहेका थिए । कम्बाइन हार्भेष्टरको प्रयोगले यो समस्याको निराकरण गर्ने भएकाले यसको प्रयोगमा आफूहरु उत्साहित भएको किसानहरु बताउँछन् ।

धान पाकेपछि त्यसको व्यवस्थापनमा ठूलो जनशक्तिको आवश्यकता पर्ने, धेरै समय र लागत लाग्ने तथा कृषि श्रमिकको अभावमा समयमा धान भित्र्याउन नसक्दा त्यस जमिन गहुँ लगाउनसमेत ढिलो भई त्यसको उत्पादनमा प्रतिकूल प्रभाव पर्ने गर्दथ्यो ।

अहिले गाउँमै कम्वाइन हार्भेष्टर मेसिन भित्रिएपछि कम लागतमा समयमै कृषि कार्य गर्न सजिलो भएको शिवराज नगरपालिका १२ महुलीका किसान राम कुमार गुप्ताले बताए ।

यो प्रविधिबाट आधा भन्दा कम खर्चमा धानि भित्र्याउन सकिन्छ । भाडामा लिएर गत वर्षकरिब तीन बिगाहामा जग्गामा यो मेसिनको प्रयोगले धान भित्रयाउन पाउँदा परम्परागत तरिकाभन्दा झन्डै २५ प्रतिशत लागतमा कमी आएको गुप्ताले बताए ।

परम्परागत तरिकाले धान भित्रयाउँदा प्रति बिघा १८ देखि २० हजार खर्च लाग्ने गरेकामा कम्वाइन हार्भेष्टर मेसिनवाट धान भित्रयाउँदा प्रति बिघा पाँच हजारमात्र खर्च लाग्ने गरेका छन् ।

पछिल्लो समयमा तराईका जिल्लाहरुमा कम्वाइन हार्भेष्टर मेसिन बहुउपयोगी भएपछि यसप्रति कृषकको आकषर्ण बढ्दै गएको कृषि कार्यालाय कपिलवस्तुले जनाएको छ । अहिले कपिलवस्तु सहित विभिन्न जिल्लामा ३५ वटाभन्दा बढी कम्वाइन हार्भेष्टर मेसिनको प्रयोग हुने गरेको अनुमान कृषि कार्यालायले गरेको छ ।