१३ भदौ, काठमाडौं । हुलाक टिकट बिक्रीमा हिनामिना गरेको आरोपमा अख्तियार दुरुपयोग अनुसन्धान आयोगले हुलाक सेवा बिभागको नेपाल फिलाटेलिक ब्यूरोमा कार्यरत मणिकुमार श्रेष्ठबिरुद्ध बिशेष अदालतमा मुद्दा दायर गरेको छ ।
अख्तियारले दायर गरेको मुद्दामा आरोपित नायव सुब्बा श्रेष्ठले २०६५ सालदेखि हुलाक कार्यालयमा कार्यरत रहँदा दैनिक टिकट बिक्रीबापतको रकम राजश्वमा दाखिला नगरी मौज्जाद देखाएर रकम हिनामिना गरेको उल्लेख गरिएको छ ।
उनीसँग १ करोड १६ लाख ६९ हजार २८८ रुपैयाँ बिगो दावी गरिएको छ ।
