Comments Add Comment

लमही नगरपालिकामा एक मतले एमाले उम्मेदवार विजयी

लमही नगरपालिका वडा नम्बर १ को अध्यक्षमा एक मतले विजयी एमालेका नुमराज पौडेललगायत ।

१८ असार, देउखुरी । लमही नगरपालिकाको वडा नं. १ मा नेकपा एमालेका अध्यक्ष एक मतले विजयी भएका छन् । नेकपा एमाले वडा अध्यक्षका उम्मेदवार नुमराज पौडेलले एक मतले कांग्रेसका उम्मेदवारलाई पछि पार्दै विजयी भएको निर्वाचन कार्यालयले घोषणा गरेको हो ।

एमालेका नुमराज पौडेलले ५६० र कांग्रेसका उम्मेदवार दामोदर पौडेलले ५५९ मत ल्याएका छन् ।

वडा नं. १ मा नेपाली कांग्रेस र नेकपा माओवादी केन्द्रले पुनः मतगणनाको माग गर्दै निवेदन दिएपछि घोषणा रोकिएको थियो । लगत्तै एमालेले पनि वडा नं. ९ को मत पुनः गणनाको माग गरेको थियो । निर्वाचन आयोगले नियम अनुसार  मत परिणाम सार्वजनिक गर्न निर्देशन दिएपछि आइतबार विहान वडा नं. १ र ९ को मत परिणाम सार्वजनिक गरिएको हो । मतगणना सकिएको एक दिन पछि मात्रै यी वडाको मत परिणाम सार्वजनिक गरिएको छ । यस्तै वडा नं. २ को पनि परिणाम पनि घोषणा गरिएको छ ।

वडा नं. १ मा विजयी उम्मेदवारहरु

वडा अध्यक्षः नुमराज पौडेल

महिला सदस्य: नुमा कुमारी पौडेल,

दलीत महिला सदस्य: हिमा कमीनी,

खुल्ला सदस्य: गिरीराज वली र

राजकुमारी चौधरी

वडा नं. २ मा नेपाली कांग्रेसका नेपालु चौधरीले ९ सय २९ मत प्राप्त गरी विजयी हुनु भएको छ । यो वडामा कांग्रेसको प्यानलनै विजयी भएको छ । स्वतन्त्र उम्मेदवार विनय घिमिरेले ४ सय ५५ मत ल्याए । माओवादी केन्द्रका उम्मेदवारले चार सय ३६ मत वडा अध्यक्षमा ल्याएका छन् ।

वडा नं. २ मा विजयीहरुको विवरण

वडा अध्यक्षः नेपालु चैधरी

महिला सदस्य:सुनिता कुमारी चौधरी

दलीत महिला सदस्य: सावित्रा विश्वकर्मा

खुल्ला सदस्य: काँशीप्रसाद चौधरी र

कालीचरण चौधरी

वडा नं. ९ मा पनि नेपाली कांग्रेसको प्यानल नै विजय भएको घोषणा गरिएको छ । कांग्रेसका भेषबहादुर केसी (रमेश)ले ५ सय ७७ र नेकपा एमालेका खिम बहादुर केसीले ३ सय ७३ मत पाएका छन् ।

वडा नं. ९ मा विजयीहरुको विवरण

अध्यक्षः भेषबहादुर केसी(रमेश)

महिला सदस्यः रेवा कुमारी अधिकारी

दलीत महिला सदस्यः पार्वती विश्कर्मा

खुल्ला सदस्यः खिम बहादुर योगी

खुल्ला सदस्यः वुद्धिराम चौधरी

यो खबर पढेर तपाईलाई कस्तो महसुस भयो ?

ट्रेन्डिङ

Advertisment