मंगलबार, ३ असोज, २०७४
OnlineKhabar.com

ओखलढुंगामा युवा उद्यमीसँग विनाधितो ऋण सम्झौता

अनलाइनखबर

२८ भदौ, ओखलढुंगा । जिल्ला युवा समिति ओखलढुंगाले दुई युवासँग विनाधितो ब्याजअनुदानमा ऋण सम्झौता गरेको छ ।

व्याज अनुदानसहित बिनाधितो ऋण पाउनेमा मोलुङ गाउँपालिकाको रागादिप कुखुरा फर्म र चम्पादेवी गाउँपालिका ८ को चम्पादेवी पशुपालन कृषक समूह छन् ।

दुवै समूहले स्थानीय सूर्योदय सहकारीबाट ५ लाखका दरले विनाधितो ऋण पाउने छन् ।

युवा उद्यमीलाई विनाधितो ब्याजअनुदानमा ऋण लगानी गर्ने राष्ट्रिय युवा परिषदको नीतिअनुसार सम्झौता गरिएको जिल्ला युवा समितिका अध्यक्ष सुधीर कार्कीले बताए । कार्कीका अनुसार सरकारले व्याजअनुदान दिने र स्थानीय सहकारीले ऋण उपलब्ध गराउने गरी सहकारी, समिति र युवा समूहबीच सम्झौता गरिएको छ ।

एक निर्वाचन क्षेत्रबाट एकजना गरी ओखलढुंगाबाट दुई युवाहरुले संचालन गरेको उद्यम वा फर्मलाई आवेदन आहृवान गरेर छनौट गरी ऋण सम्झौता गरिएको हो ।

विनाधितोको व्याजअनुदानसहितको ऋण पाउँदा आफ्नो व्यवसाय बढाउन महत्वपूर्ण योगदान पुगेको रागादिप कुखुरा फर्मका सञ्चालक अमृत राईले बताए ।

२०७४ भदौ २८ गते १९:०३ मा प्रकाशित

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

यसमा तपाइको मत




फेसबुकबाट तपाईको प्रतिक्रिया

Also you may like this