९ भदौ, काठमाडौं । सिद्धार्थ डेभलपमेन्ट बैंकले एसडीबीएल कृषि कर्जाको शुरुवात गरेको छ । छुट्टै पहिचान बनाउँदै आफ्ना ग्राहकको चाहनाअनुसारका सेवा पस्कने क्रममा देशभर रहेका १८ शाखाबाट प्राप्त गर्न सकिने गरी यो योजना ल्याएको बैंकले जनाएको छ ।
उक्त कर्जा पशुपालन, माछा पालन, मौरी पालन, फलफूल तथा तरकारी खेती नगदे बाली उत्पादन तथा प्रशोधन, जडिबुटी तथा कृषिमा आधारित हस्तकला, कृषि उपकरण खरिद तथा अन्य कार्यका लागि प्राप्त गर्न सकिने बैंकले जनाएको छ । २५ हजारभन्दा बढीको कर्जा यसमा समेटिने बैंकद्वारा जारी विज्ञप्तिमा उल्लेख छ । बैंकले कृषि कर्जाको ब्याजदर १३ देखि १६ प्रतिशत तोकेको छ ।
