विजय थापा
भर्जिनिया । महाकवि लक्ष्मी प्रसाद देवकोटा शताब्दी सन्दर्भमा वाशिंगटन डिसी महानगर क्षेत्रमा सम्पन्न कविता महोत्सवमा बाचन गरिएका कविताहरुसहित तीनवटा कृतिहरुको परिचयात्मक कार्यक्रम सम्पन्न गरिएको छ । उक्त कार्यक्रममा अमेरिकाबासी ३३ जना नेपाली कविहरुका ८७ कविता,महाकवि देवकोटाका ६ कविता र अन्य ७ समिक्षा समेत १ सयवटा रचना संकलन शताब्दी,नेपालको जन आन्दोलन २०६२ का अबसरमा साहदत प्राप्त गर्ने नेपाल सरकारले घोषणा गरेका २५ जना सहिदको परिचय र ५ हजार १ सय ५० जना घाइतेको सुक्ष्म अध्ययन विश्लेषण समेटिएको शहिद तथा नेपाल बाहिर बस्ने ७५ जना नेपाली बालबालिकाहरुको रचना समेटिएको बाल सिर्जनाको समेत परिचयात्मक कार्यक्रम सम्पन्न गरियो ।
न्युयोर्कका कबि मणि बांग्देलले बाल श्रीजना पुस्तक बारेमा परिचय र केहि जानकारी गराएका थिए । डा किसोर उप्रेतीले शहिद पुस्तक बारे परिचय दिएका थिए भने शिव प्रसाद सत्यालले सो पुस्तकहरुबारे विचार राखेका थिए । राम प्रसाद ज्ञवालीले देवकोटा बारेमा चर्चा गरेका थिए भने बहु आयामिक व्यक्तित्वहरुको बारेमा बोल्न र लेख्न गार्हो हुने विचार व्यक्त गरेका थिए । डिसी महानगर क्षेत्रमा बसोबास गर्ने स्थानीय नेपाली बाल प्रतिभाहरुले कविता बाचन गरेका थिए ।
नारायण अधिकारीले कार्यक्रम संचालक गरेका थिए भने धन्यबाद ज्ञापन तथा कार्यक्रमको समापन लेखनाथ भण्डारीले गरेका थिए ।बाल श्रीजनाको दोश्रो पुस्तक पनि प्रकाशनको तैयारीमा रहेको जानकारी भण्डारीले गराएका थिए ।
