२२ भदौ, काठमाडौं । यूसए ओपन टेनिसको उपाधिका लागि डिफेण्डिङ च्याम्पियन सेरेना विलियम्स र भिक्टोरिया अजारेन्का भिड्ने भएकी छिन् ।
फाइनलमा स्थान बनाउने क्रममा दोस्रो बरियताका अजारेन्काले इटालियन फ्लाभिया पेनेटालाई ६–४ र ६–२ को साझो सेटमा पराजित गरेकी छिन् ।
३१ वर्षीया विश्व नक्बर एक सेरेनाले भने लि नालाई ६–० र ६–३ को सोझो सेटमा पाखा लगाएकी छिन् । खेलपछि सेरेनाले भनेकी छिन्–‘यो निकै राम्रो खेल थियो । लि ना बास्तबमै उत्कृष्ट खेलाडी हुन् । म केही नभर्स भएकी थिएँ । तर म सफल भएँ ।’