४ चैत, काठमाडौं । युभेन्टसको अपराजित यात्रामा पूर्णविराम लागेको छ । इटालियन सिरी ए फुटबलअन्तर्गत आइतबार रातिको खेलमा जेनोआले जारी सिजनमा युभेन्ट्सको अपराजित यात्रालाई पूर्णविराम लगाइदिएको हो ।
स्टार स्ट्राइकर क्रिष्टियानो रोनाल्डो नखेलेको यो खेलमा युभेन्ट्स २–० ले पराजित भयो । घरेलु टोली जेनोआको जितमा स्टेफानोले ७२ औं मिनेटमा र गोरानो ८१ औँ मिनेटमा गोल गरे । स्टेफानो युभेन्टसका पूर्वखेलाडी हुन् ।
युभेन्टसका लागि डिबालाले प्रहार गरेको बलले जाली चुमे पनि भिएआरमा अफसाइड देखिएपछि गोलको मान्यता पाएन ।
हारपछि पनि युभेन्ट्स शीर्ष स्थानमा कायमै छ । ऊ दोस्रो स्थानको नापोलीभन्दा १८ अंकले अगाडि छ ।
