२८ भदौ, काठमाडौं । नेकपा एमालेले संविधानसभा चुनावका लागि उम्मेदवार बनाउन माग गर्दै केन्द्रमा भेला भएका नेताहरुलाई जिल्ला र्फकन निर्देशन दिएको छ ।
पार्टी मुख्यालय बल्खुमा शुक्रबार बसेको स्थायी समितिको बैठकले जिल्ला र्फकन र चुनावको माहौल बनाउन नेताहरुलाई निर्देशन दिएको हो । बैठकपछि सचिव शंकर पोखरेलले भन्नुभयो- ‘नेताहरुकोमा धाउनुको अर्थ छैन, जिल्लाले पठाएका नामका आधारमा उम्मेदवार चयन गरिनेछ ।’
एमालेले प्रत्येक निर्वाचन क्षेत्रबाट समानुपातिकतर्फ ५ र प्रत्यक्षतर्फ ३ उम्मेदवार सिफारिस गर्न निर्देशन दिइसकेको छ । जसअनुसार अधिकांश जिल्लाबाट नाम आएका छन् । एमालेमा जिल्लाबाट आएको सूचीमा परेका र नपरेकाहरु दुबैथरि नेता कार्यकर्ताहरु टिकट माग्दै काठमाडौं आएर नेताहरुका घर दैलोमा धाउनेक्रम बढेपछि स्थायी कमिटीले जिल्ला र्फकन निर्देशन दिएको हो ।
