सुनको भाउ तोलामा २ सय घट्यो

१८ असार, काठमाडौं । स्थानिय बजारमा बुधबार सुनको भाउ तोलामा २ सय रुपैयाँ घटेको छ । नेपाल सुनचाँदी व्यवसायी महासंघले बुधबारका लागि छापावाल सुनको भाउ तोलाको ५४ हजार रुपैयाँ तोकेको छ । मंगलबार छापावाल सुन तोलाको ५४ हजार २ सय रुपैयाँमा किनबेच भएको थियो ।

त्यसैगरि, तेजाबी सुनको भाउ पनि तोलामा २ सय रुपैयाँ घटेर ५३ हजार ७ सय ५० रुपैयाँमा किनबेच भइरहेको छ । चाँदीको भाउ पनि बुधबार तोलामा १० रुपैयाँ घटेको छ । मंगलबार तोलाको ८ सय ४५ रुपैयाँमा किनबेच भएको चाँदी बुधबार ८ सय ३५ रुपैयाँमा किनबेच भइरहेको छ ।