सिम्रिक एयरको हेलिकप्टर आकस्मिक अवतरण

२० असार । सिम्रिक एयरको ९ एनएजेजेड हेलिकप्टर खराब मौसमका कारण तनहुँको भानु गाविस-१ भन्सार नजिकै आकस्मिक अवतरण गरिएको छ ।

काठमाडौँबाट सुर्खेत हुँदै हुम्ला जाने क्रममा शुक्रवार विहान ९ बजे खराब मौसमका कारण उक्त ठाउँमा हेलिकप्टर अवतरण गरिएको पाइलट विवेक खड्काले बताए । हेलिकप्टरमा दुई जना अमेरिकी, एक जना चिनियाँ, एक नेपाली गाइड र चालकसहित पाँच जना रहेको सशस्त्र प्रहरी बल मनकामना गण भानु तनहुँले जनाएको छ ।

काठमाडौँबाट ८:३० बजे उडेको हेलिकप्टर ९:०० बजे सो ठाउँमा अवतरण गरिएको हो । रासस