२५ असार, बाँके । बाँकेमा मोटरसाइकल दुर्घटनामा परी एक जनाको ज्यान गएको छ ।
कोहोलपुरबाट चिसापानीतर्फ जाँदै गरेको भे २ प ८१२३ नम्बरको मोटरसाइकल गाईको बाच्छीलाई गएराति ठक्कर दिँदा भएको दुर्घटनामा परी सापानी-४ का २३ वर्षीय कृष्णबहादुर बुढाको मृत्यु भएको हो ।
गाईको बाच्छीलाई ठक्कर दिई मोटरसाइकल पल्टिँदा गम्भीर घाइते भएका बुढाको कोहलपुरस्थित मेडिकल कलेज शिक्षण अस्पतालमा उपचारका क्रममा मृत्यु भएको जिल्ला प्रहरी कार्यालय बाँकेले जनाएको छ ।