३१ असार, काठमाडौं । नेकपा एमालेको पदाधिकारीमा सबैभन्दा लोकप्रिय नेताका रूपमा सचिवका उम्मेद्वार गोकर्ण विष्ट देखा परेका छन् । वामदेव गाैतमसमेत बढी मत ल्याउनेमा ‘टफ फाइभ’ मा परेका छन् ।
पदाधिकारीमा आधा-आधा
अध्यक्षमा केपी ओलीले जिते पनि पदाधिकारीमा भने नेपाल पक्षका आधा उम्मेदवारले जितेका छन् । अध्यक्ष, दुई उपाध्यक्ष, महासचिव, एक उपमहासचिव र दुई सचिव ओली प्यानलका जितेका छन् भने तीन उपाध्यक्ष, एक उपमहासचिव र तीन सचिवमा नेपाल प्यानलका विजयी भएका छन् । लोकप्रिय मत ल्याउने विष्ट माधव नेपाल प्यानलका हुन् ।
ओली प्यानलबाट उपाध्यक्षमा वामदेव गौतम र विद्या भण्डारी, महासचिव ईश्वर पोखरेल, उपमहासचिव विष्णु पौडेल र दुई सचिवमा प्रदीप ज्ञवाली तथा पृथ्वीसुब्बा गुरुङले विजय हासिल गरेका छन् ।
नेपाल प्यानलबाट उपाध्यक्षहरु भीम रावल, युवराज ज्ञवाली र अष्टलक्ष्मी शाक्यले जितेका छन् । त्यस्तै उपमहासचिवमा घनश्याम भुसाल र तीन सचिव योगेश भट्टराई, भीम आचार्य र गोकर्ण विष्ट नेपाल प्यानलबाट विजयी भएका छन् ।
ओली पक्षका चर्चित युवा नेता शंकर पोखरेलले सचिवमा जित्न सकेनन् । त्यस्तै वैचारिक नेता रघुजी पन्त उपमहासचिवमा पराजित बनेका छन् ।
क-कसले पाए बढी मत ?
विजयी गोकर्ण विष्टले पदाधिकारीहरुमध्ये सबैभन्दा बढी मत पाएका छन् । उनले कूल मतको करीव ५५ प्रतिशत अर्थात १२७० मत पाएका छन् भने दोस्रो लोकपि्रय मत अर्का सचिव प्रदीप ज्ञवालीले (११५५) पाएका छन् । उनीहरु दुबै गुल्मी जिल्लाका हुन् । दुबै नेता फरक प्यानलबाट उम्मेदवार बनेका थिए ।
तेस्रो लोकप्रिय मत माधव प्यानलका उपाध्यक्ष भीम रावलले (११४३) पाएका छन् भने चौथो लोकपि्रय मत वामदेव गौतमले (११२४) मत पाएका छ्न । पाँचौमा उपाध्यक्ष विद्या भण्डारीले ११०० मत पाएकी छन् ।
मत परिणाम-
अध्यक्ष | माधवकुमार नेपाल | १००३ | केपी ओली | १०४७ (विजयी) |
---|---|---|---|---|
उपाध्यक्ष | युवराज ज्ञवाली | १०२६ (विजयी) | वामदेव गौतम | ११२४ (विजयी) |
अष्टलक्ष्मी शाक्य | १०४७ (विजयी) | विद्या भण्डारी | ११०० (विजयी) | |
भीम रावल | ११४३ (विजयी) | प्रदीप नेपाल | १००८ | |
राजेन्द्र पाण्डे | १०३१ | किरण गुरुङ | ९९५ | |
लालबाबु पण्डित | ९९८ | धर्मनाथ साह | ९२३ | |
महासचिव | सुरेन्द्र पाण्डे | १०३० | ईश्वर पोखरेल | १०३६ (विजयी) |
उपमहासचिव | घनश्याम भुषाल (विजयी) | १०९७ | बिष्णु पौडेल | १०८२ (विजयी) |
रघुजी पन्त | ९६९ | शंकर पोखरेल | १०३७ | |
सचिव | गोकर्ण विष्ट | १२७० (विजयी) | प्रदीप ज्ञवाली | ११५५(विजयी) |
परशुराम मेघी गुरुङ | १०१५ | पृथ्वीसुब्बा गुरुङ | १०२९(विजयी) | |
योगेश भट्टराई | १०८५(विजयी) | बिष्णु रिमाल | ९९७ | |
भीम आचार्य | १०३५ (विजयी) | रघुवीर महासेठ | ९२८ | |
बेदुराम भुसाल | ९९७ | केशवलाल श्रेष्ठ | ९२२ |
प्रतिक्रिया 4