नेप्लिज फेशन होमले आयोजना गरेको ‘दोश्रो प्रिन्सेस नेपाल २०१४’को उपाधी काठमाण्डौ निवासी रुस्मिता शाहीले जितेकी छिन् । उनले उपाधीसँगै २० हजार नगद पुरस्कार र विभिन्न उपहार पाएकी छिन् ।
यस्तै साइस्ता पोखरेलले ‘फस्ट रनरअप’को उपाधी जित्दै १० हजार नगद पुरस्कार र अन्य विभिन्न उपहार पाएकी छिन् । ‘सेकेन्ड रनरअप’को उपाधी भने रस्मिता लिम्बुले जितेकी छिन् ।
कार्यक्रमकी प्रमुख अतिथी सभासद डाक्टर आरजु राणाले यस्ता प्रतियोगिताले यूवतीहरुको क्षमता विकासमा फाइदा पुग्ने बताइन् ।
यो प्रतियोगितामा विभिन्न कलेजका १८ जना यूवतीहरुले अन्तिम चरणमा प्रतिस्पर्धा गरेका थिए ।
