२८ साउन काठमाडौं । पूर्ण सरकारी स्वामित्वको राष्ट्रिय वाणिज्य बैंकले इन्भेष्टमेन्ट बैंक र नेपाल आवाश विकास वित्त कम्पनी लिमिटेडमा रहेको संस्थापक शेयर सर्वसाधारणलई बिक्री गर्ने भएको छ ।
बैंकले इन्भेष्टमेन्ट बैंकमा रहेको ६२ लाख २० हजार ६६ र नेपाल आवाश विकास वित्त कम्पनी लिमिटेडको १ लाख ९८ हजार ४ सय ९७ कित्ता संस्थापक शेयर बिक्री गर्ने भएको हो ।
बैंकले शेयर निष्काशन तथा बिक्री प्रबन्धकमा नविल इन्भेष्टमेन्ट बैंकिङलाई नियुक्त गरेको छ । बुधबार भएको संझौतापत्रमा राष्ट्रिय वाणिज्य बैंक ट्रेजरी विभागका प्रमुख भुपेन्द्र पाण्डे र नविल इन्भेष्टमेन्टका प्रमुख कार्यकारी अधिकृत प्रवीणरमण पराजुलीले हस्ताक्षर गरे ।
बैंकको शेयर खरिदमा साना लगानीकर्ताहरुको हित संरक्षण गर्ने अभिप्रायले पहिले कायम गरिएको शेयर मूल्यमा घटाई बोलकबोलमार्फत सेयर बिक्री गरिने पाण्डेले जानकारी दिए । भदौ दोस्रो हप्तासम्म लिलाम बढावढको सूचना प्रकाशित गर्ने कार्ययोजना रहेको उनले बताए ।
नेपाल राष्ट्र बैंकले एक बैंक तथा वित्तीय संस्थाले अर्को बैंक तथा वित्तीय संस्थाको सेयर राख्न नपाइने व्यवस्था गरेपछि वाणिज्य बैंकले यो सेयर सर्वसाधारलाई बिक्री गर्ने भएको हो ।
प्रतिक्रिया 4