‘नेपाली तारा ३’को अडिशन धरानबाट सुरु भएको छ । धरानका प्रतिभाहरुले तयारीका साथ यो प्रतिस्पर्धामा भाग लिएका छन् । जसमध्ये २२ जना प्रतियोगी दोश्रो चरणका लागि छानिएको आयोजकले जनाएको छ । मुल्यांकनकर्ताको रुपमा रहेका गायक रामकृष्ण ढकाल, संगीतकारद्धय सुरेश अधिकारी र प्रकाश गुरुङले यसपटक प्रतिस्पर्धीहरु निक्कै तयारीका साथ आएको बताए ।
धरान अडिशनका लागि ९४३ प्रतियोगीहरु सहभागी भएका थिए । जसबाट १४ पुरुष र ८ महिला दोश्रो चरणमा पुगेका हुन् । कार्यक्रम प्रस्तोताको रुपमा गायकद्धय सन्तोष लामा र धवेन्द्र सेवान रहेका छन् । प्रतियोगीताको विजेताले २ लाख ५१ हजार नगद, एउटा मोटरसाइकल र ३ वटा गीतमा गाउने अवसर पनि पाउँनेछन् ।
आज नारायणगढमा अडिशन सुरु भएको छ । यसपश्चात बुटवल, पोखरा, भक्तपुर र काठमाण्डौमा अडिशन हुने जनाइएको छ ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4