११ असोज, काठमाडौं । एकीकृत नेकपा माओवादीका प्रवक्ता दीनानाथ शर्माले आफ्नो पार्टीलाई अलग्याएर संविधान बन्न नसक्ने बताएका छन् ।
शनिबार पार्टी केन्द्रीय कार्यालयमा आयोजित नियमित प्रवक्ता-पत्रकार भेटघाट कार्यक्रममा प्रवक्ता शर्माले प्रक्रियाबाट जाने कुरा आफ्नो पार्टीलाई मान्य नहुने बताए । उनले भने-‘हामी सहमतिमा जोड दिन्छौं, प्रक्रियामा जान पनि सहमति चाहिन्छ ।’
आफ्नो पार्टीले बृहत् शान्ति सम्झौता र अन्तरीम संविधानको आधारमा सहमतिको कुरा गरेको उनको भनाइ थियो ।
एमाओवादी प्रवक्ता शर्माले संसद खुलाउन सत्ताधारी नै तत्पर नभएको बताए । आफ्नो पार्टीको संसद अवरुद्ध गर्ने कुनै चाहना नभएको भन्दै उनले सहमति कार्यान्वयन भए संसद सुचारु हुन कुनै समय नलाग्ने बताए ।
संसदको गतिरोध अन्त्यका लागि दलहरुका बीचमा छलफल भइरहेको भन् उनले सहमति हुने विश्वास व्यब्क्त गरे ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4