२३ असोज, विराटनगर । मोरङ प्रहरीले हतियारसहित एक भुटानी शरणार्थीलाई पक्राउ गरेको छ ।
जिल्ला प्रहरी कार्यालय मोरङको टोलीले पथरी शनिश्चरे-८ स्थित भुटानी शरणार्थी शिविर सेक्टर १४ हट नम्बर ३६ बस्ने ३० आइतराज राईलाई पक्राउ गरेको हो ।
विशेष सूचनाका आधारमा राईको घरमा खानतलासी गर्दा मेड इन इटाली लेखिएको एक थान पेस्तोल र म्याग्जिन फेला परेको डीएसपी प्रभुप्रसाद ढकालले बताए ।
राजमार्ग आसपासका क्षेत्रमा हुने लुटपाटका घटनामा राईको संलग्नता रहेको प्रहरीको आशंका छ ।
