२४ असोज, काठमाडौं । बरिष्ठतम न्यायाधीश रामकुमारप्रसाद शाहले प्रधानन्यायधीशको सपथ खाएका छन् । राष्ट्रपति रामबरण यादवले साहलाई आज बिहान सपथ ग्रहण गराएका हुन् । राष्ट्रपति निवासमा भएको एक कार्यक्रममा साहलाई प्रधानन्यायाधीको सपथग्रहण गराइएको थियो ।
संवैधानिक परिषद्ले भावी प्रधान्यायाधीशमा वरिष्ठतम न्यायाधीश साहलाई सिफारिस गरी सुनुवाइ विशेष समितिमा पठाइएकामा सो समितिले यही असोज १४ गते संसदीय सुनुवाइ गरी साहको नाम अनुमोदन गरेको थियो ।
वरिष्ठतम न्यायाधीश रामकुमारप्रसाद साहले शुक्रबारदेखि प्रधानन्यायाधीशको जिम्मेवारी सम्हाल्नेछन् ।
शर्माको विदाई
प्रधानन्यायाधीश दामोदरप्रसाद शर्मा भने उमेर हदका कारण बिहीबारदेखि सेवानिवृत्त भएका छन् ।
शर्मालाई बिहीबार अपराहृन सर्वोच्च अदालतका न्यायाधीश र वरिष्ठ कर्मचारीले बिदाइ गरेका थिए ।