१८ कात्तिक, विराटनगर । मोरङ व्यापार संघका वरिष्ठ उपाध्यक्ष राजेन्द्र राउत विराट गोल्डकप आयोजक समितिको अध्यक्षमा चयन भएका छन् ।
विराट गोल्डकप ट्रष्टको साधारणसभाले आगामी माघ महिनामा हुने गोल्डकप तयारीका लागि राउतलाई अध्यक्षमा चुनेको हो ।
उनी विराट गोल्डकप ट्रष्टका कोषाध्यक्ष समेत हुन् ।
गोल्डकपको पहिलो संस्करण सफलतापूर्वक सम्पन्न भएपनि गत वर्ष आयोजकबीचको विवादका कारण गोल्डकपको दोश्रो संस्करण स्थगित गरिएको थियो ।
२०१८ सालदेखि सुरु भएको गोल्ड कपको गौरवलाई बचाई राख्न आफूले आयोजक समितिको अध्यक्षको जिम्मेवारी लिएको राउतले बताए । विराटनगरमा हुदै आएको फुटबल प्रतियोगितामा सबैभन्दा धेरै धनराशीको प्रतियोगिताको रुपमा गोल्डकपलाई लिइन्छ ।
