२३ कात्तिक, जनकपुर । एकीकृत नेकपा माओवादीका अध्यक्ष प्रचण्डले जनकपुर बमकाण्डका योजनाकार भएको आरोपमा पक्राउ परेका सञ्जय साहसहितको सम्पत्ति रोक्का गर्नु गलत भएको बताएका छन् ।
प्रचण्डले आइतबार जनकपुरमा साहका समर्थकहरुलाई एमाओवादी पार्टीमा प्रवेश गराएका छन् । जनकपुरमा २२ दलको आमसभा आयोजना गरिएको भोलिपल्ट रामशंकर पासवानको नेतृत्वमा साहका समर्थकहरु एमाओवादीमा प्रवेश गरेका हुन् ।
साहका कार्यकर्तालाई पार्टी प्रवेश गराएपछि प्रचण्डले साह दोषी भए/नभएको आफूले भन्न नमिल्ने बताए । तर, साहसहितको सम्पत्ति रोक्का गर्नु गलत भएको भन्दै उनले यसबारे सदनमा आवाज उठाउने बताए ।
साह धनुषा ४ बाट निर्वाचित भएका थिए । बमकाण्डको योजनाकार भएको आरोपमा पक्राउ परेपछि संविधानसभाले उनलाई निलम्बन गरेको छ ।
एमाओवादी अध्यक्ष प्रचण्डले जनकपुरको विकासका लागि सरकारले ध्यान नदिएको भन्दै भारतीय प्रधानमन्त्री मोदीको आसन्न जनकपुर भ्रमणले विकासमा सहयोग पुग्ने बताए ।
आफ्नो क्षेत्रका विकासका लागि जनकपुरबासीले पनि भूमिका खेल्नुपर्ने उनको धारणा थियो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Land for Sale in Lubhu")
%20-%20Copy.jpg "4 BHK House for Rent at Bhaisepati")
.jpg "Residential Land for Sale at Imadol")
प्रतिक्रिया 4